Policia e Tiranës ka vënë në pranga një 33-vjeçar, i cili akuzohet se ka përndjekur për disa muaj një vajzë. Pas denoncimit të kësaj të fundit, i riu ka ushtruar dhunë dhe e ka kanosur për ta detyruar të tërheq denoncimin ndaj tij.
Ermal Cane, banues në Lushnjë, raportohet se më herët ishte në një lidhje dashurie me 24-vjeçaren.
“Shërbimet e Komisariatit të Policisë Nr. 4, në vijim të punës për goditjen e paligjshmërive në çdo formë të tyre, pas kallëzimit të bërë nga një shtetase 24 vjeçe se ish i dashuri i saj e kishte përndjekur në mënyrë të vazhdueshme, kishte ushtruar dhunë ndaj saj dhe e kishte kanosur për të tërhequr kallëzimin që ajo kishte bërë ndaj tij, menjëherë kanë organizuar dhe finalizuar operacionin policor të koduar “Folloëing””, thuhet në njoftim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
/a.r
