Në mëngjesin e 7 tetorit, militantët e Hamasit nisën një sulm të paprecedentë ndaj Izraelit, duke lëshuar mijëra raketa dhe duke dërguar qindra persona të armatosur përtej kufirit nga Rripi i Gazës.
Sulmi, i cili goditi bazat ushtarake dhe civilët në qytete dhe fshatra, vrau më shumë se 1,300 njerëz. Midis të vdekurve ishin civilë dhe ushtarë izraelitë, si dhe shumë njerëz nga vende të ndryshme të botës.
Më poshtë janë disa nga emrat dhe historitë e tyre:
Prindërit Tamar dhe Yonatan, vajzat e tyre binjake Shachar dhe Arbel, 6 vjeçe, dhe djali Omer, 4. Familja, e cila jetonte në kibutz Nir Oz, pranë Rripit jugor të Gazës u fsheh në dhomën e tyre të sigurt të banesës kur filluan sulmet, por u vranë nga militantët e Hamasit.
Ish-futbollisti izraelit Lior Asulin ishte në mesin e të vrarëve në festivalin e muzikës Supernova , tha ish-klubi i tij Hapoel Tel Aviv në Twitter. Asulin, i cili sapo kishte mbushur 43 vjeç, kishte festuar ditëlindjen në festivalin me 260 të vrarë.
Yaron Shai, Idan Raz dhe Ofir Liebstein (në foto), i cili ishte kreu i këshillit rajonal Sha’ar Hanegev, u vranë në sulmin e Hamasit.
Osher Vaknin ishte një nga organizatorët e festivalit Supernova, por u vra në këtë event. Vëllai i tij binjak, Michael, është ende i zhdukur.
Oriya, 26 vjeç, ishte gjithashtu në mesin e të vrarëve në festival. Nëna e saj, Hannie, e përshkroi vajzën e saj si një “vajzë të bukur, të gëzuar dhe të mahnitshme”.
Dvir Karp, 46 vjeç, raportohet të ketë vdekur teksa po përpiqej të mbronte fëmijët e tij teksa militantët sulmuan kibutin Re’im. Partnerja e tij besohet të jetë vrarë në sulm gjithashtu.
Hannah Ben-Artzi
69-vjeçarja u vra në Kfar Aviv nga një raketë ndërsa përpiqej të hapte një strehë publike për njerëzit pa qasje në shtëpitë e tyre, raportoi Haaretz. Ajo kishte tre fëmijë dhe gjashtë nipër e mbesa.
Çifti i martuar Itay (djathtas) dhe Hadar Berdichevsky, të dy 30 vjeç, besohet se ka fshehur foshnjat e tyre 10-muajshe sapo dëgjuan militantët te dera e banesës. Çifti u vra, por foshnjat i mbijetuan sulmit.
Oficeri komandant i brigadës së këmbësorisë Nahal u vra nga një militant i Hamasit ndërsa po udhëtonte drejt kufirit të Gazës të shtunën. Ushtari 42-vjeçar është një nga oficerët më të lartë të Forcave të Mbrojtjes të Izraelit që është vrarë në luftimet me Hamasin.
Shtetasit amerikanë Deborah dhe Shlomi Matias u qëlluan për vdekje nga militantët e Hamasit teksa fshiheshin në banesën e tyre, raportoi CNN . Babai i Deborah, Ilan Troen, tha se vajza e tij u vra ndërsa ajo u përpoq të mbronte djalin e saj nga plumbat.
Një tjetër shtetas amerikan, Hayim Katsman, 32 vjeç, u qëllua teksa fshihej brenda një dollapi në një strehë në kibbutz Holit, pranë kufirit të Gazës, me miken e tij Avital Alajem. Ajo i tha CNN se militantët filluan të qëllonin në derë. “Unë shpëtova sepse ai ishte pranë derës dhe ata e qëlluan”, tha ajo.
Danielle Waldman, një amerikane 24-vjeçare, u vra gjatë sulmit të Hamasit në festivalin muzikor. Babai i saj, Eyal, tha: “Secili dhe kushdo që e ka takuar e ka dashur atë. Ajo nuk ka bërë asgjë të keqe kundër askujt.”
Dy vëllezër izraelito-amerikanë, Igal Wachs, 53 vjeç dhe Amit Wachs, 48 vjeç, u vranë kur persona të armatosur të Hamasit sulmuan fshatin e tyre, afër kufirit të Gazës, i tha CNN ish-gruaja e Igalit, Liat Oren-Wachs.
Daniel Senior, një izraelito-amerikane 34-vjeçare që kishte punuar në festivalin muzikor Nova pranë kufirit Gaza-Izrael, u vra, tha babai i saj për CNN.
Rotem Neumann, një shtetase dhe studente portugezo-izraelite 25-vjeçare në Tel Aviv, u vra ndërsa u përpoq të largohej nga festivali Nova herët në mëngjesin e së shtunës.
Ajo do të jetë gjithmonë në kujtesën tonë si një vajzë e vogël e lumtur që ishte plot dashuri, si një adoleshente që dëshironte të zbulonte botën dhe si një vajzë e re që donte Spanjën dhe prindërit e saj.
Rodolfo Fabián Skariszewski ishte një argjentinas 56-vjeçar, i cili jetonte në jug të Izraelit, i cili u vra të shtunën në mëngjes. “Ne do të jemi gjithmonë bashkë”, shkroi djali i tij, Yhonatan, në Facebook. “Pusho në paqe.”
Ronit Rudman Sultan, 55 vjeçe, e cila jetonte në kibbutz Holit pranë kufirit me Gazën, u vra së bashku me bashkëshortin e saj, Roland Sultan. “Vëllai im i dashur dhe kunata ime u vranë”, shkroi në Facebook motra e Roland, Nathalie.
Silvia Mirensky, 80 vjeç, e lindur në Buenos Aires, vdiq kur shtëpia e saj në kibbutz Ein HaShlosha në Izraelin jugor u dogj nga Hamasi herët të shtunën.
Abi Korin, i cili lindi në Argjentinë në vitin 1967 dhe emigroi në Izrael në fund të viteve 1980, u vra në kibutz Jolit. “Abi ishte përgjegjës për sigurinë atje,” tha nëna e tij, Sara . “Ai vdiq duke luftuar, ne nuk e dimë se si, por ne jemi të sigurt që ishte duke mbrojtur të tjerët në komunitet.”
Dy brazilianë, Ranani Glazer dhe Bruna Valeanu, të dy 24 vjeç, u vranë në festivalin muzikor pasi u sulmuan të shtunën. Glazer ishte nga Brazili jugor, por u zhvendos në Izrael, ku shërbeu në IDF dhe ëndërroi të bëhej DJ. Valeanu ishte nga Rio de Zhaneiro, por u transferua në Izrael vitin e kaluar për të studiuar në universitet.
Një grua irlandezo-izraelite 22-vjeçare, Kim Damti, u vra gjithashtu në festival. Damti kishte jetuar në Gedera, në Izraelin qendror, dhe kishte kaluar pushimet verore në Irlandë , prej nga është nëna e saj. “Me pikëllim të madh dhe pikëllim të zymtë, unë njoftoj vrasjen e engjëllit tonë, lules sonë, Kim, e cila u vra nga terroristët e mallkuar”, tha motra e saj, Laura.
Edhe pse qeveria tajlandeze nuk i ka konfirmuar emrat e tajlandezëve të vrarë, disa familjarë kanë folur për mediat për humbjen e të dashurve të tyre.
