Kampionati Europian për moshat U17 i vitit 2025 do të mbahet në Shqipëri.
Kryeministri Edi Rama bëri të ditur sot se mbajtja e kampionatit europian për moshat U17, pas finales së UEFA Conference League të vitit të kaluar, ishin gjëra të paimagjinueshme deri disa vjet më parë.
“Pas finales së UEFA Conference League të vitit të kaluar, UEFA ka vendosur sot që Kampionati Europian për moshat U17, i vitit 2025 do të mbahet në Shqipëri në 4 stadiume. Gjëra të paimagjinueshme deri disa vite më parë”, shkruan kryeministri Rama.
Kampionati do të mbahet në stadiumet “Air Albania”, “Loro Boriçi”, “Elbasan Arena” dhe “Egnatia Arena”./m.j
