Ish-polici londinez Adam Provan është dënuar sot me 16 vite burg për përdhunimin e një vajze 16-vjeçare dhe një policeje.
Ai shpërdoroi pozitën e tij si oficer policie për të fituar besimin e të dyja grave. Veprimet e tij janë jashtëzakonisht të tmerrshme.
Jam i sigurt se publiku do të jetë po aq i tronditur dhe i indinjuar nga ofendimet e Provan sa ne jemi këtu”, tha Ndihmës Komisioneri i Policisë së Londrës Louise Rolfe, siç raportohet nga Reuters.
Të dyja rastet e përdhunimit ndodhën gjatë kohës që Provan ishte në shërbim.
Në fillim të këtij viti, një rishikim i pavarur zbuloi se Policia Metropolitane ishte “raciste institucionale, mizogjene dhe homofobike dhe e paaftë për stafin e policisë”.
Një rishikim u kërkua në vitin 2021, pasi një tjetër polic u dënua me burgim të përjetshëm për përdhunimin dhe vrasjen e një gruaje./m.j
