Pacientët me sëmundje kardiovaskulare janë shtuar ndjeshëm sipas mjekëve ndaj aktiviteti fizik mbetet i rëndësishëm. Mjeku Taulant Gishto shprehet se 30-60 minuta ecje me hap të shpejtë në ditë, na mbajnë larg nga këto probleme.
“Është një element i vazhdueshëm për të djegur 1200 kalori në javë që janë shumë të rëndësishme për uljen e e rrezikut kardiovaskular në mënyrë të ndjeshme. Ai ul dhe nivelin LDL të kolesterolit në gjak, pra është kolesterol i keq”, tha mjeku.
Kardiologët thonë se sëmundjet e zemrës po ndeshen edhe tek të rinjtë, për shkak të konsumimit të duhanit apo alkoolit.
“Përpara 4 ditësh pata një infarkt në moshën 37 vjeçare që më rezultoi me sukses, por faktor risku kishte duhanpirjen. Ka qenë dhe një vajzë 27 vjeçare nga Tropoja. Faktor risku në moshë fillon nga 45 vjeç për meshkujt dhe mbi 55 vjeç për femrat”, u shpreh mjeku.
Përveç kontrolleve të shpeshta, me rritjen e temperaturave specialistët këshillojnë të sëmurët me zemër të shmangin qëndrimin në diell dhe të ushqehen sa më shëndetshëm.
/a.r
