Analisti i njohur, Skënder Minxhozi tha se nëse vërtetohen akuzat se ka përfituar para ruse, ish-kryetarja e LSI-së, Monika Kryemadhi rrezikon të procedohet penalisht për fshehje të ardhurash dhe evazion fiskal.
“Nëse vërtetohet, Kryemadhi procedohet penalisht, për nenet që e kapin për mos deklarim të ardhurash dhe evazion. Është një material impozant, e rëndë si akuzë në adresë të Kryemadhit”, u shpreh Skënder Minxhozi, duke shtuar se deri tani kemi fjalën e saj përballë fjalës së akuzatorëve anonimë. “Akuza të tilla duhen hetuar dhe provuar”, tha Minxhozi.
Ai thotë se në kushte kur të dhënat janë kaq të shumta në numër, SPAK duhet të nisë hetimet për të zbardhur këtë çështje, dhe për të qartësuar implikimin e Kryemadhit.
Në mënyrë që të ndahet ajo që është një material shërbimesh, apo investiguesish që kanë dërguar një informacion, ose nga ana tjetër një sajesë apo keqdashje, këtu ka vetëm një arbitër: drejtësia që heton dhe provon ose hedh poshtë. Këtu duhet të ketë arbitër të hetojë, të qartësojë dhe të vendosë pikat mbi “i”. Duhet që drejtësia me urgjencë të veprojë. Njerëzit shohin të dhëna konkrete dhe të detajuara, por duhet arritur në konkluzion se çfarë janë ato”, tha Minxhozi./m.j
