Një vajzë 4-vjeçe ka humbur kontaktet me familjen ndërsa është konstatuar e vetme te Liqeni Artificial. Vajza e mitur me emrin Merkel, është shoqëruar në ambientet e Komisariatit të Policisë Nr. 1, ndërsa policia e Tiranës fton qytetarët që kush e njeh dhe ka dijeni për familjarët e vajzës të njoftojnë në 112.
‘Më datë 15.03.2023, është konstatuar e vetme te Liqeni Artificial, një vajzë 4 vjeçe, që quhet Merkel, e cila është shoqëruar më pas në ambientet e Komisariatit të Policisë Nr. 1.
Fëmija ka flokë të zinj, ka veshur kostum rozë dhe një jelek të bardhë sipër.
Drejtoria Vendore e Policisë Tiranë fton qytetarët që mund të kenë dijeni për familjarët e fëmijës të telefonojnë në numrin pa pagesë 112.’- njofton policia./m.j
