Një aksident i rëndë me pasojë vdekjen e një personi është regjistruar mëngjesin e së martës në aksin rrugor Berat-Ura e Kuçit, në afërsi të fshatit Poshnje.
Sipas të dhënave paraprake nga ana e policisë së shtetit, shtetasi K.M., 28 vjeç duke drejtuar automjetin tip “Benz”, ka humbur kontrollin dhe për pasojë ka goditur një shtyllë ndriçimi dhe ka rënë në kanalin anësor duke marrë flakë.
Përplasja ka qenë tepër e fortë dhe për këtë arsye 28 vjeçari ka ndërruar jetë në vendngjarje, ndërkohë që grupi hetimor po punon për zbardhjen e shkaqeve të këtij aksidentit.
/a.r
