E ftuar në emisionin “Pardon My French” ka qenë ish-banorja e shtëpisë së “BBV”, Tea Trifoni. Ajo përfundoi rrugëtimin e saj në shtëpinë më të famshme në Shqipëri dhe në radio tregoi gjithçka rreth kësaj eksperience mjaft të veçantë dhe të bukur.
Gjatë qëndrimit të saj në shtëpi u bë pjesë edhe disa prej debateve, ku një prej tyre ka qenë edhe ai i buxhetit, kur ajo u zu me Luizin dhe vendosi që të pyeste Kiarën nëse e donte apo jo dhuratën. Por pse e pyeti Tea për dhuratën Kiarën?
Ajo ishte periudha kur Kiara me Luizin kanë qenë shumë të distancuar, ishin ditët kur Kiara i tha “Unë të kam vënë vizën!” dhe nuk fliste fare më me të kështuqë më duket gjëja më normale që ta bësh atë pyetje. Marrëdhënia që ajo kishte me Luizin në atë kohë ishte shumë e ftohtë. Për të qenë korrekte unë e pyeta.
Nuk e pate në asnjë moment pak qejf Luizin gjatë qëndrimit aty brenda?
Në cfarë momenti ju është dukur juve? Unë me Luizin kuptohesha shumë mirë, arrita të gjej gjuhën e përbashkët me ate person, unë e kuptoja dhe arrija që ti shprehesha atij në atë mënyrë që ai e kuptonte, bënim shaka, është shumë tip humoristik dhe është shumë kollaj që të kalosh kohë me të ama po të ishte pëlqim nuk do të ishim aq rehat me njëri-tjetrin sa kemi qenë ato ditët e para.
Tea tregoi gjithashtu se në shoqëri njerëzit që bëjnë humor i ka qejf por në një lidhje jo.
Në dashuri i dua pak më serioz, si vetja.
Gjatë një prove që ata kishin brenda shtëpisë së “BBV”, Luizi dhe Tea kënduan së bashku dhe nga mënyra sesi Tea e shikonte të gjithë menduan se mes tyre ose më shumë nga ana e Teas mund të kishte një pëlqim, por vetë ish-konkurrentja e “Për’Puthen” tha se:
Ne të dy i thamë njëri-tjetrit, në momentin kur bëmë performancën: “Tani do performojmë!”. Ai këndoi me zërin e tij të bukur dhe unë u mundova të bëja cfarë mundesha me sytë e mi të bukur.
