Një burrë që vrau një grua shtatzënë dhe tre fëmijë në Derbyshire do të kalojë pjesën tjetër të jetës së tij pas hekurave pasi u dënua me një dënim të përjetshëm.
Damien Bendall u deklarua fajtor për vrasjen e partneres së tij të atëhershëm Terri Harris, vajzës së saj 11-vjeçare Lacey Bennett, djalit të saj 13-vjeçar John Paul Bennett dhe shoqes 11-vjeçare të Lacey, Connie Gent.
Ai më parë i mohoi vrasjet, por i ndryshoi kërkesat e tij kur u paraqit në Derby Crown Court të mërkurën, ku gjithashtu pranoi se kishte përdhunuar Lacey.
Gjykatësi, Justice Sweeney, tha se vepra seksuale ishte kryer “në shkeljen më të rëndë të besimit” ndërsa jeta e 11-vjeçares po shuhej.
Ai tha se “dënimi i drejtë” kërkonte që Bendall të mbahej në burg për pjesën tjetër të jetës së tij në lidhje me çdo akuzë të vrasjes, dhe ai gjithashtu vendosi një urdhër tjetër të përjetshëm për përdhunimin. Lacey dhe John Paul ishin fëmijët e zonjës Harris nga një lidhje e mëparshme.
/e.d
