Heronjve të Kupës së Botës iu është dashur të ndërpresin paradën e tyre të fitores me autobusin e hapur pasi u pritën nga miliona argjentinas në Buenos Aires.
Festa dhe qetësia mes tifozëve që pritën për orë të tëra avionin me heronjtë e kombëtares së Argjentinës nuk zgjati shumë. Shumë tifozë tentuan të hipnin në autobusin ku qëndronin kampionët e Botës. Madje skena të rënda janë bërë virale në internet, ku teksa autobusi po kalonte nën një urë, disa tifozë u hodhën mbi të e një prej tyre u rrëzua në rrugë.
Policia ndërhyri menjëherë dhe futbollistët e Argjentinës u larguan në një helikopter, i cili fluturoi mbi turmën e njerëzve në rrugët e kryeqytetit.
Mediat ndërkombëtare shkruan se mbi 4 milionë persona pritën Argjentinën pas triumfit në Botërorin e Katarit, i cili ishte i treti sukses për shtetin amerikanojugor.
/a.r
FALLÓ EL OPERATIVO DE SEGURIDAD EN ARGENTINA
Luego de este incidente, y ante la imposibilidad de avanzar en Buenos Aires por la masiva presencia de fanáticos, las autoridades argentinas tomaron la decisión de evacuar a los jugadores en helicóptero.pic.twitter.com/2OS7kyi0Ea
— Táchira Noticias (@TachiraNoticias) December 20, 2022
