Avokati bjellorus i të drejtave të njeriut Ales Bialiatski dhe dy organizata nga Rusia dhe Ukraina- “Memorial” dhe Qendra për Liritë Civile” – kanë fituar Çmimin Nobel për Paqen për vitin 2022.
Komiteti Norvegjez i Nobelit ka vendosur t’i japë çmimin Nobel Peace 2022 avokatit të të drejtave të njeriut Ales Bialiatski nga Bjellorusia, organizatës ruse të të drejtave të njeriut Memorial dhe organizatës ukrainase të të drejtave të njeriut Qendra për Liritë Civile.
Fituesit u nderuan për “një përpjekje të jashtëzakonshme për të dokumentuar krimet e luftës, abuzimet e të drejtave të njeriut dhe abuzimin me pushtetin” në vendet e tyre përkatëse.
“Ata kanë promovuar për shumë vite të drejtën për të kritikuar pushtetin dhe për të mbrojtur të drejtat themelore të qytetarëve”, tha Komiteti Norvegjez i Nobelit.
Fitorja e tyre vjen shtatë muaj pasi Rusia zhvilloi një luftë në shkallë të gjerë kundër Ukrainës, me ndihmën e Bjellorusisë.
/a.r
