Një burrë mbijetoi për 16 orë në një flluskë ajri brenda varkës së përmbysur në Oqeanin Atlantik.
62-vjeçari francez arriti të mbijetonte gjatë gjithë asaj kohe përpara se të shpëtohej nga zhytësit e rojes bregdetare spanjolle në atë që ata e përshkruan si një operacion “në kufijtë e së pamundurës”.
Anija Jeanne SOLO Sailor, e gjatë 12 metra, dërgoi një sinjal alarmi në orën 20:23 të hënën e 1 Gushtit.
Në atë kohë ishte 14 milje nga ishujt Sisargas në rajonin veriperëndimor të Galicisë të Spanjës, sipas rojes bregdetare. Të dhënat e gjurmimit treguan se ai ishte nisur nga kryeqyteti portugez i Lisbonës mëngjesin e një dite më parë, 31 Korrik.
Anija e përmbysur u zbulua nga një helikopter që kishte dalë për të kontrolluar.
Një zhytës u ngjit në pjesën e përmbysur të anijes në përpjekje për të gjetur shenja jete. Në këtë moment mësohet se 62 vjeçari ka reaguar duke goditur në anije.
Operacioni për shpëtimin e tij u bë në një kohë që deti ishte i trazuar. 62-vjeçari u transportua më pas me helikopter në një vend të sigurt dhe u lirua direkt nga spitali pasi nuk kishte asnjë problem shëndetësor.
/a.r
