Është arrestuar reperi Fero. Lajmi është bërë i ditur nga Porkuroria Themelore në Gjilan.
Ditë më parë mediat publikuan një video, ku reperi shihej duke grushtuar një person në Gjilan. Fero akuzohet për veprën penale “Sulm” dhe është ndaluar për 48 orë.
“Prokuroria Themelore ne Gjilan, pas njoftimit që në media është duke qarkulluar një video incizim ku shihet një person duke e sulmuar një person tjetër në veturë, në qytetin e Gjilanit, menjëherë ka autorizuar Policinë e Kosovës -Hetuesit në Stacionin Policor në Gjilan, ku të njëjtit edhe e kanë bërë identifikimin e të dëmtuarit dhe të pandehurit, thuhet në njoftim.
Menjëherë pas intervistimit të tyre me vendim të prokurorit të shtetit, është ndaluar për 48-orë i pandehuri F.SH, (Feronit Shabani – Fero) me dyshimin e bazuar se i njëjti më datë 24.07.2022, ora 17h, ka kryer veprën penale, Sulm nga neni 184 i KPRK-ës.
/e.d
