Ka dalë para gjykatës një i ri që dyshohet se ka vrarë 22-vjeçarin shqiptar Armend Xhika në Britaninë e Madhe.
Mediat britanike raportojnë se 24-vjeçari Luigi Antonacci është vënë në pranga të premten dhe është paraqitur në Gjykatën e Magjistraturës Sheffield nën akuzat për vrasje.
I riu shqiptar u qëllua me thikë për vdekje në rrugën “Earl Marshal”, Burngreave, Sheffield, më 13 maj të vitit të shkuar.
Xhika humbi jetën në spital. Ndërsa, është bërë po ashtu e ditur se një vajzë 21-vjeçare që u arrestua të premten për rastin në fjalë, është liruar dhe po hetohet në gjendje të lirë.
/e.d
