Dorëheqja e Bashës/ BE: Shqipëria ka nevojë për opozitë të fortë me një lidership të ri që e mban qeverinë nën kontroll

BE ka reaguar pas vendimit të Lulzim Bashës për t’u dorëhequr nga drejtimi i PD.

Në një reagim në rrjete sociale BE thekson se Shqipëria ka nevojë për një opozitë të fortë që i kërkon llogari qeverisë dhe e kontrollon atë, ndërsa shton se pret që tashmë lidershipi i ri të luajë rol vendimtar dhe të vazhdojë të mbështesë integrimin e vendit në BE.

“Ne respektojmë vendimin e Lulzim Bashës për t’u dorëhequr si Kryetar i PD-së. Si çdo demokraci tjetër, #Shqipëria  ka nevojë për një opozitë të fortë që i kërkon llogari qeverisë dhe e kontrollon atë.

Ne presim që lidershipi i ri ta luajë këtë rol vendimtar dhe të vazhdojë të mbështesë integrimin në #BE  si qëllim themelor të veprimit të tij, duke nxitur reformat dhe duke mbështetur reformën në drejtësi dhe luftën kundër korrupsionit.”, thuhet në njoftim./m.j