Një dononcim i pazakontë ka mbërritur mesditën e kësaj të diele në sallën operative të Policisë së Lezhës. Një shtetas malazez, i cili ndodhej në plazhin e Shëngjinit, ka denoncuar humbjen e gruas së tij.
Burime pranë policisë bënë të ditur se shtetasi nga Mali i Zi ka dhënë adresën ku ndodhej, por megjithëse efektivët mbërritën menjëherë aty, nuk gjetën denoncuesin.
Efektivët pyetën pushuesit për të shkuar tek denoncuesi, por pasi nuk gjetën informacion në lidhje me ngjarjen u larguan.
Denoncimet për humbjen e fëmijëve në plazhe janë të shpeshta për uniformat blu, por rasti i sotëm është i rrallë.
