Situata e Kristian Eriksen është bërë tema kryesore në mediat botërore dhe të gjithë kërkojnë të dinë diçka më shumë rreth situatës së futbollistit të përfaqësues së Danimarkës i cili pësoi kolaps në fushën e lojës.

Ka qenë vetë menaxheri i tij, Martin Shots, i cili ka qetësuar të gjithë rreth 1 orë pas ngjarjes, pasi ka shpjeguar se situata e tij ishte me të vërtetë pranë normalizimit.

“Është i ndërgjegjshëm, duke folur dhe komunikuar me babain e tij”, tha ai për një radio holandeze, duke qetësuar tifozët e shumtë të cilët po pritnin me padurim lajme për futbollistin.

Ndërkohë, është bërë e ditur se edhe bashkëshortja e tij, e cila zbriti në fushë në momentet dramatike, kishte qëndruar pranë tij gjatë gjithë periudhës në spital.