Kanë përfunduar dy ndeshjet e para të javës së 31-të të Kategorisë Superiore. Tirana përshëndet titullin në Ballsh, ku nuk ka mundur të shkojë më larg se një barazim 0-0.

Ekipet janë ndarë me rrjeta të paprekura, por ai rast i Seferit në minutnë e 23-të mund të sillte fitoren e bardhebluve.

I gjendur mes dy zgjedhjeve, të godasë apo të shërbejë për shokun e skuadrës në pozicion për gol, sulmuesi i Tiranës i beson vetes së tij, por në fund nuk ka mundur të tundë rrjetën. Një hap fals ky për ekipin e Shehit, që tashmë rrezikon të dalë përsëri nga gara për titull.

Ndërkohë në Krujë është ndezur lufta për mbijetesë. Kastrioti është mposhtur nga Skënderbeu, që tashmë mund të besojë vërtetë në qendrimin në elitë edhe për sezonin e ardhshëm. Zhan Viktor tundi rrjetën në minutën e 67, duke fundosur kështu Kastriotin.

Nga zona e tyre e komfortit, tashmë krutanët rrezikojnë të bien direkt nga kategoria, teksa diferencat me Bylisin dhe Skënderbeun janë shkurtuar ndjeshëm.