Kryetari i Komunës së Prishtinës, Shpend Ahmeti, mori pjesë në hapjen e Panairit Dimëror, i cili u hap sot në sheshin Skënderbeu në Prishtinë.
Panairi organizohet nga Asociacioni i Agjencive Rajonale për Zhvillim dhe mbështetet nga Komisioni Evropian, transmeton Koha.net.
Në fjalën e tij Kryetari Shpend Ahmeti tha se është kënaqësi të merr pjesë në hapjen e këtij panairi, i cili poi u jep mundësi prodhuesve vendor të ekspozojnë prodhimet e tyre.
Ai e cilësoi edhe këtë panair, si edhe tregun e prodhimeve vendore dhe tregun e fundvitit si mundësi të zhvillimit ekonomik, jo vetëm të Komunës së Prishtinës, por edhe të gjithë regjionit në përgjithësi. Ai falënderoi AARZH-në për organizimin dhe zyrat e Komisionit Evropian dhe atë të BE-së për financimin e vazhdueshëm që i japin evenimenteve të këtilla.
Panairi dimëror do të jetë i hapur për tri ditë dhe në të do të ekspozojnë mallrat e tyre rreth 70 biznese rajonale.
