Festivali Ndërkombëtar Operistik, “Marie Kraja” e vendos çdo vit Tiranën, për disa ditë në zemrën e muzikës evropiane duke e përfshirë në hartën e qyteteve ndërkombëtare të artit.
Këtë vit janë përzgjedhur 14 këngëtarë nga 4 kontinente, midis 172 këngëtarëve që aplikuan dhe u dëgjuan nga juritë në Milano, Vjenë, Bruksel dhe Tiranë.
Më 30 tetor, ora 19.00 do interpretojnë 14 këngëtarë. Secili nga ta në repertor do ketë një arie dhe një këngë. Kjo natë do jetë një natë magjike me muzikën me të bukur të operave dhe këngëve klasike spanjolle, franceze, napoletane, amerikane dhe sigurisht shqiptare.
Në natën finale më 31 tetor ora 19.00, do interpretojnë vetëm 8 këngëtarë të cilët do vazhdojnë konkurrimin për 4 çmimet e edicionit te 15-te të Festivalit.
Shqipëria këtë vit prezantohet me dy konkurrentë, ndërkohë që Festivali do të zhvillohet në Teatrin Kombëtar të Operas dhe të Baletit.
