Organizata shqiptaro- amerikane AANO kremton 70 vjetorin e krijimit të tij, teksa i pranishëm në eveniment ka qenë dhe Presidenti Bujar Nishani i cili ka vlerësuar kontributin e kësaj organizate. Presidenti ka vlerësuar punën e kësaj organizate, duke thënë se çdo shqiptar që ndihet pjesë e kombit tonë, është pjesë gjithashtu edhe e kontributeve botërore të figurave të shquara shqiptare të kohërave të ndryshme.
“Unë personalisht dhe jam i bindur, cdo individ që i përket orgjinës kombëtare shqiptare, kudo që ai/ajo jeton, janë krenarë sepse kanë elementë të kontributeve të rangut botëror. Dikush mund të çuditet, si mund që shqiptarët të kenë kontribute të tilla?! Ne jemi krenarë që jemi kombi i një heroi siç ishte Gjergj Kastrioti Skënderbeu. Shqiptarët janë kombi që nxorri Nënë Terezën, një kontributore e madhe në paqen e njerëzimit, por kemi gjithashtu dhe shumë figura të ndryshme të shkencës dhe të artit…”- tha Nishani.
A.A.N.O ose Organizata Kombëtare Shqiptaro Amerikane është krijuar në vitin 1946 për të mbajtur dhe forcuar lidhje e shqiptarëve të amerikës si dhe për të ndihmuar të rinjtë shqiptarë përmes bursave të studimit./java/a.k