Juristja Brizida Gjikondi, daljen e Kryeministrit Rama në media më 3 Shtator, ku paralajmëroi dhe krizën energjetike, e ka cilësuar si të panevojshme.
Në një intervistë për Ora News, juristja tha se në një deklaratë e tillë nuk mund të jepej në këtë kohë, pasi Shqipëria është përballur me pandeminë dhe tërmetin, ndërkohë shton se nëse rriten çmimet duhet të rriten dhe rrogat.
Brizida Gjikondi: Ishte e panevojshme dalja tragjike e Kryeministrit Rama, dhe dalja e zv.Kryeministrit sot, janë pak larg nga realiteti i mendësisë dhe psikologjisë së shqiptare. Sidomos te populli që ka dal nga tërmeti ka dalë nga pandemia, ti nuk mund të vësh kujën. Nuk e di kush i këshillon që të dalin në atë mënyrë komunikimi. Duhet të dalin ekspert të fushës dhe jo nga Kryeministri. Në rast se do të rritet çmimi i energjisë të rriten dhe rrogat.
Juristja thotë se qeveria duhet të gjejë zgjidhjen e problemeve.
Brizida Gjikondi: Qeveria duhet t’u shkojë pranë njerëzve. Qeveria të ulet dhe të zgjidhë problemet që ka dhe të vij me paketa mbështetëse dhe jo të tmerrojë shqiptarët.”
Në lidhje me propozimin me 7 pikat e Kryedemokratit Lulzim Basha, për ringritjen e ekonomisë, Gjikondi u shpreh se ky i fundit gjëmon ‘gurin’ që hedh Rama.
Brizida Gjikondi: Reagimet e Bashës janë për t’u çuditur. Nuk është direktivë më vete si duhet të jetë opozita, por ai gjithmonë gjëmon ‘gurin’ që hedh Rama. Nuk do të çuditesha që të na bëjë edhe një bashkëqeverisja përballë këtyre që po ndodhin.
Ndërkohë për ‘Foltoret’ e Berishës, Gjikondi shprehet se ish-Kryeministri takimet i bën për imunitet politik.
Brizida Gjikondi: Berisha këto takime i ka për hall personal, i ka për imunitet politik. Ai e bën këtë gjë se nëse nesër pasnesër do të ketë precedim penal ndaj tij ose ndaj familjarëve të tij, ai ta ketë ngritur emocionin negativ të Shqipërisë. Ai po bashkon adhuruesit e tij, të cilët nuk e dinë se në çfarë gremine po I çon. Vetëm nga Berisha nuk mund të presësh demokraci./m.j
