Në ceremoninë e 65-vjetorit të Krijimit të Bazës ajrore të aviacionit të Kuçovës, ministrja Ermonela Felaj iu bëri familjarëve të 2 pilotëve që humbën jetën në Shkodër, një dhuratë të veçantë… një maket të helikopterit ku humbën jetën, Floiran Deliaj dhe Donald Hoxha.
E pranishme në këtë ceremoni, ishte edhe ministrja e Mbrojtjes, Mimi Kodheli, e cila tha se fill pas procesit të demilitarizimit, do të nisë procesi i shitjes në ankande të hapur të avionëve të panevojshëm.
“Pas standarteve në NATO sot, në disa muaj më parë përfunduam proçesin e demilitarizimit të armatimit dhe municionit të tepër jo standart NATO me mbi 100 mijë ton municione dhe armatime. E njëjta gjë duhet të ndodh edhe me atë tashmë pjesë të panevojshme që janë avionët me krahë fiks Mig që ne trashëguam nga e kaluara si një iventar i konsiderueshëm. Janë më shumë se sa 100 e ca avionë që për ju bëhet prezent për herë të parë kjo gjë dhe krijohet ideja sikur proçesi i ankandi ka filluar me të qenurin tim ministër, në fakt jo që nga viti 2013 janë plotë 12 deri në 13 ankande dhe me ndryshimin e vetëm që ankandet, procedurat kanë qënë jo publike dhe për pasojë ju nuk keni qënë në djeni të këtyre proçeseve, të cilat kanë dështuar si të tilla”, tha Kodheli
“Ne vendosëm që proçesin ta bëjmë transparent dhe të hapur, sigurishtë që ajo është një vlerë që ne do të kishim dashur shumë që të përfitonim prej saj me qëllim që modernizimi i forcës ajrore dhe i forcave të armatosura të mund të vazhdojë edhe më tutje. Thjeshtë dhe vetëm do të ketë një proçedurë standarte, të fiksuar më parë dhe shpreojmë që do të bëjmë më të mirën. Mbajtja e tyre këtu thjeshtë dhe vetëm rrit në mënyrë të jashtëzakjonshme kostot, sepse ne duhet ti ruajmë në një kohë që bie vlera çdo ditë e tyre”, shtoi ajo.
