Avionët e Guardia di Finanza dhe dronët e policisë shqiptare kanë asgjësuar 109 104 bimë kanabis gjatë vitit 2024. Në kuadër të bashkëpunimit mes policisë shqiptare dhe asaj italiane, avionët dhe helikopterët e Guardia di Finanza kanë kryer 62 operacione monitorimi nga ajri për parcelat e mbjella me kanabis në vendin tonë, të cilat më pas të dhënat i janë raportuar efektivëve të policisë shqiptare për asgjësimin e tyre në terren.
Të dhënat u bënë publike gjatë një konference të përbashkët ndërmjet policisë shqiptare dhe asaj italiane, ku morën pjesë drejtuesit më të lartë të policisë së Shtetit dhe gjeneralë të Guardia di Finanzia.
Drejtori i policisë së Shtetit Ilir Proda dhe Gjeneral Brigade i Guardia di Finanza, Gianpiero Ianni vlerësuan bashkëpunimit, ku theksuan se përmes futjes së teknologjisë është bërë e mundur kontrolli i një territori më të madh për zbulimin e rasteve të kultivimit me kanabis.
Gjatë fjalës së tij Porda u shpreh se ka një rritje të kultivimit të kanabisit me llamba në ambientet e brendshme, ndërsa shtoi se edhe fokusi i policisë është shtuan ndjeshëm në kontrollet e magazinave, banesave dhe serave diellore për goditjen e rasteve të kultivimit të kanabisit.
“Gjatë kontrollit të territorit goditëm kultivimin e kanabisit ne sera diellore, magazina, kemi ndarë zonat e kontrollit ku çdo punonjës ka përgjegjësi për një territor të caktuar. Gjatë 2024 janë kryer 216 280 kontrolle dhe janë vënë në përdorim 51 dorën të policisë shqiptare duke rritur numrit e tyre nga 38 që ishin. Për 2024 monitorimi ajror u bë nga Guardia di Finanza dhe ka kryer 62 misione fluturimeve dhe janë asgjësuar 109 104 mijë bimë narkotike. Të dhënat janë verifikuar nga polica në kuadër të bashkëpunimit. Polica ka vijuar luftën kundër narkotikëve. Kemi përqendruar luftën në kultivimin e kanabisit në ambienteve të brendshme, pasi ka shtim të këtyre rasteve”, tha Proda.
Edhe gjenerali i Guardia di Finanza, Gianpiero Ianni tha se bashkëpunimi mes dy vendeve në luftën kundër narkotikëve ka dhënë rezultate shumë të mira për 2024.
“Në rezultate e arritura në 2024 për mbikëqyrjen nga ajri është një shenjë bashkëpunimi në luftën ndaj luftës së kanabisit. Rezultate edhe këtë vit të arritura nëpërmjet të mbikëqyrjes nga ajri më bën të falënderoj policinë shqiptare për asistencën e dhënë ndaj policisë italiane. Bashkëpunimi u firmos në 2012 dhe u përditësua në shkurt të 2021 në luftën ndaj kultivimit të kanabisit dhe në krimin e organizuar. Kjo punë e jona përbehet edhe nga mbikëqyrja nga ajri i kultivimit të kanabisit dhe polica lokale të vijojë me asgjësimin e tyre. Gjatë këtij viti kemi përdoru helikopterë dhe avionë të Guardia di Finanza. Veprimtaria nga ajro ka nisur më 1 maj dhe ka përfunduar më 31 tetor 2024, ku kemi parë të gjitha fazat e kultivimit që nga mbjellja, rritja dhe mbledhja e kanabisit. Kemi identifikuar kultivimet e kanabisit”, u shpreh Ianni.
/a.r
