Mungesa e avokatit Maks Haxhia eshte bere shkak per shtyrjn e seances se sotme ne ngarkim te Arbër Cekajt, i cili akuzohet për trafikimin e 613 kilogramë kokainë në Portin e Durrësit.
Pas shumë mungesave pa arsye në gjyq, prokurorët e dosjes kanë kërkuar nga trupa gjykuese ndëshkimin e avokatit me pretendimin se po kërkon të zvarrisë çështjen. Për mungesën e sotme, avokati nuk kishte dhënë asnjë arsyetim.
Pasi kanë marrë në shqyrtim pretendimet e prokurorëve, togat e zeza kanë vendosur të ndëshkojnë avokatin Haxhia me gjobë. Deri më tani gjyqi i Çekajt është shtyrë mbi 10 herë për mungesën e avokatëve të çështjes.
Mesohet se ai eshte gjobitur me 5 mije leke per mungese te panjoftuar. Arbër Çekaj dyshohet si i përfshirë në trafikun e 613 kg kokainëve, sasi kjo e cila u kap në Maminas në fund të shkurtit të 2018.
Droga ishte fshehur në kontenierin e bananeve, ku prorësitës ishte Çekaj. Nga hetimet e krimeve të Rënda rezultoi se 40-vjeçari ishte larguar nga Shqipëria 3 javë para se të sekuestrohej kokainës.
Ai u shpall në kërkim ndërkombëtar, dhe u prangos më vonë për t’u ekstraduar nga Gjermania.
Prokuroria e Krimeve të Rënda ka kërkuar dënimin me 21 vite burg për Arbër Çekajn.
Maks Haxhia
g.kosovari
