Gjykata e Posaçme shpall fajtore Englantina Zere për shkelje të barazisë në tendera dhe e dënoi me tetë muaj burg.
Po ashtu fajtorë u shpallën edhe Rivjola Baxha, Enkelejda Qyta, Bruno Koçi dhe Kristo Zhulati të cilët u dënuan me nga 6 muaj burg. Gjykata e posaçme nuk ka dhënë pezullim të dënimit me burg në shërbim prove dhe punë të detyruar në komunitet.
Sipas akuzës, Eglantina Zere, në cilësinë e titullarit të autoritetit kontraktor “Tirana Parking” institucion në varësi të Bashkisë Tiranë, në bashkëpunim me të pandehurit Enkelejda Qyta, Bruno Koçi dhe Rivjola Baxha, në cilësinë e anëtarëve të Komisionit të Vlerësimit të Ofertave dhe anëtarin e Njësisë së Prokurimit, Kristo Zhulati, kanë krijuar avantazhe dhe privilegje të padrejta për bashkimin e operatorëve ekonomik fitues “V.A.S Konstruksion sh.p.k” dhe “Rroku Guest” sh.p.k, në procedurën e prokurimit me objekt “Rikonstruksion i sheshit të parkimit te Selman Stërmasi”, të zhvilluar më 1 tetor të vitit 2019.
