Braçe ironi me gazetarin Peka: Qim, në Divjakë po ndërtojmë një Poliklinikë
Deputeti socialist Erion Bracce ka reaguar ndaj një lajmi kritikues të portalit “syri.net”, që shkruante se qendra shëndetësore në Divjakë është në gjendje të keqe. Bracce duke bërë ironi me emrin e gazetarit Peka, shkruan “Ndriqim, Shkelqim, Clirim, Salqim, Zenqim, se realisht nuk ta di emrin dhe se besoj ende se e ke emrin Qim; qendra shendetesore ne Divjake, nuk eshte ne gjendje te mire e kam thene une, heret, sapo jam bere deputet ne ate qytet. Ashtu e la tutori yt politik dhe financiar, Sali Berisha; doktor ky i fundit. Meqe ke pyetur se cdo them une, po ta them; Po ndertojme jo nje qender shendetesore Qim, por po ndertojme nga themelet nje Poliklinike te tere, o Salqim! Hape syrin dhe shko e shihe!”, shkruan Bracce në Facebook.
Duke mos u ndalur me kaq, Bracce e shton dozën e ironisë edhe më tej: “Meqe po lexoj se qenke marre edhe me heret me mua, me paske lidhur apo vene ne nje avion droge, me detyron te te them se une nuk kam avion, por thjesht nje makine, kurre si ajo e jotja”.
