Policia e Vlorës bën me dije se ka sekuestruar 54 kg e 80 gram lëndë narkotike Cannabis Sattiva, si edhe ka vënë në pranga poseduesit e drogës.
Mësohet se droga është zbuluar në fshatin ”Sheleger”, ku gjatë ditës së djeshme në banesën e Alfred Tusha, policia ka sekuestruar një sasi lënde narkotike Cannabis Sattiva me peshë totale rreth 54 kg e 80 gram.
Në përfundim të hetimeve, policia sqaron se ka arrestuar në flagrancë si posedues të lëndës narkotike Alfred Tusha, 55 vjeç dhe Klajdi Tusha, 23 vjeç, babë e bir, banues në Sheleger, Sarandë.
Policia ka sekuestruar sasinë e lëndës narkotike në cilësinë e provës materiale, si edhe ka referuar materialet hetimorë në Prokurori për veprën penale ”Prodhimi dhe shitja e narkotikëve”. /b.d
