Një grua 50-vjeçare është plagosur me thikë në bark dhe ka mbërritur në gjendje të rëndë në Spitalin e Traumës. Mësohet se 50-vjeçarja Resmie Osmani, ka pasur disa plagë thike në bark, ndërsa është shoqëruar në spital nga 2 vajzat e saj. Ato kanë deklaruar për policinë se ngjarja ka qenë aksidentale, por grupi hetimor i ngritur për këtë rast dyshon se është një krim i qëllimshëm.
Ngjarja ka ndodhur në rrugën “Muhamed Deliu” në banesën e të plagosurës. Nuk ka ende persona të dyshuar dhe policia po punon për sqarimin e rrethanave.
