Goditet një rast në fushën e gjobëvënies, në Korçë, ku një biznesmen është kanosur me thikë dhe në këmbim të jetës i janë kërkuar 5 mijë euro.
Kështu pasditen e kësaj të diele u vu në pranga Edison Lumi, 37 vjeç, banues në Korçë, i dënuar më parë për veprën penale “Vrasja me paramendim”.
Ndalimi i tij u bë pasi, dyshohet se ka kanosur me thikë, një biznesmen në qytetin e Korçës, duke i kërkuar në këmbim të jetës shumën prej 5000 euro.
Sipas policisë, i dyshuari është person me rrezikshmëri të lartë shoqërore, i dënuar më parë për veprën penale “Vrasja me paramendim”.
Nga tërësia e veprimeve të kryera, 37-vjeçari akuzohet ka konsumuar elementët e veprës penale “Shtrëngimi me anë të kanosjes ose dhunës për dhënien e pasurisë”.
Në ngarkim të tij për veprime të mëtejshme, materialet iu referuan Prokurorisë së Korçës.
/a.r
