Krerët e Partisë Demokratike kanë zhvilluar homazhe në memorialin e Azem Hajdarit me rastin e 54 Majit. Nga kryetari i selisë blu Basha, te ish-kryetari Berisha, deputetë, mbështetës e zyrtarë të PD u përulën para përkujtimores së Hajdarit. Kryetari i PD Basha dha një mesazh të shkurtër mirënjohjeje dhe nderimi për Hajdarin.
“Do ta mundim shtetin e veshur me krim. Nderim përjetë dëshmorëve të demokracisë. Lavdi përjetë Azem Hajdarit”, tha Basha.
Ndërkohë ish-kryetari i PD Sali Berisha deklaroi pas homazheve se Azem Hajdari, u vra nga pushteti që ai përmbysi me revolucion demokratik.
“Jemi këtu për të nderuar njeriun që pas gjysëm shekulli shtypje të egër dhe errësire, tjetërsimi, poshtërimi dhe mjerimi, solli tek shqiptarët ditën e gjenezës, e gjenezës të lirive të tyre të dhunuara me kushtetutë. Nderojmë Azem Hajdarin që në dhejtor të vitit 1990, do të ngrihej si anteu për t’i bërë shqiptarët të lirë, së bashku me shoqet dhe shokët e tij studentë. Zhvilloi betejën më të fuqishme, më legjendare, më paqësore të shqiptarve për liri. Azemi dhe Besim Çela, ranë si dy vëllezër këtu para selisë së PD, të ekzekutuar, nga pushteti që Azemi përmbysi me revolucionin e tij demokratik. Por vepra e Azem Hajdarit bëhet gjithë e më madhështore”, tha Berisha.
Më tej ai tha se Hajdari mundi paraardhësit mizor të Edi Ramës dhe është frymëzim për të mundur edhe atë që bashkëpunon me krimin./a.m.
