Policia ka dhënë detaje nga incidenti i ndodhur ditën e sotme në afërsi të Kryesisë së Kuvendit, ku një 41-vjeçari alarmoi efektivët me sjelljen e tij të dyshimtë.
Sipas uniformave blu, rreth orës 12:45, kanë marrë njoftim se në afërsi të Kryesisë së Kuvendit, është konstatuar një shtetas që përbënte shqetësim për qytetarët.
Policia sqaron se 41-vjeçari me iniciale F.B., dyshohet me probleme të shëndetit mendor dhe është larguar pa probleme.
“Shërbimet e Policisë kanë kaluar në vendngjarje dhe kanë marrë kontakt me shtetasin F. B., 41 vjeç, dyshohet me probleme të shëndetit mendor, të cilin e kanë këshilluar të largohet dhe më pas është larguar pa probleme”, raporton policia e Tiranës.
41-vjeçari prej rreth 30 minutash ai ka lëvizur në mënyrë të dyshimtë në hyrje të Parlamentit.
“Kam punë me doktorin”, dëgjohej duke thënë teksa fliste në telefon. Ai ishte i veshur me të zeza, ndërsa mbante kapuç në kokë dhe një çantë të zezë.
Në një moment, i riu shihet teksa nxjerr nga çanta një pistoletë çakmak dhe ndez cigaren.
Policia e Shtetit u lajmërua nga shërbimet e Kuvendit dhe shkuan në vendngjarje për verifikimin e personit.
/f.s
