Deputetja e Lëvizjes Socialiste për Integrim, Monika Kryemadhi ka denoncuar një rast manipulimi të një kutie votimi në Bashkinë Lezhë. Kryemadhi tha se në kutinë e qendrës së votimit 720 në Lezhë kanë rezultuar 40 fletë votimi më shumë sesa numri i pjesëmarrësve në votim.
“Po bëjmë në padi në prokurori për shtatë komisionerët e kësaj qendre votimi që kanë përgjegjësi ligjore për mos funksionim korrekt të procesit të votimit. Kjo është një gjë shumë e rëndë dhe tregon të gjithë surprizën që ka ndodhur”, u shpreh Kryemadhi.
Deputetja e LSI-së nënvizoi se, “çdo gjë është në rregull, përveç numrin të fletëve të votimit ku në fakt duhet të ishin 150 por që dalin 190 brenda në kuti.
Duke folur për rezultatin e deritanishëm, Kryemadhi tha se LSI pret fitore por deri tani rezultati është shumë i ngushtë.
