4 raste të reja me koronavirus janë shënuar ditën e sotme në qytetin e Elbasanit. Mësohet se mes të prekurve me COVID-19 është edhe drejtori i një banke në Elbasan.
Megjithatë rasti nuk ka lidhje me atë të punonjëses së infektuar, pasi nuk i përkasin të njëjtit institucion financiar.
Tanimë pas konfirmimit të rastit, pritet t’i nënshtrohen tamponit edhe punonjësit e tjerë të bankës dhe kontaktet që ai ka pasur.
Ndërsa një rast tjetër është një i burgosur që kishte përfituar leje për disa ditë. Ai ka rezultuar pozitivë dhe nuk dihet se ku është infektuar.
Tri dite para se të rikthehej në burg pasi i perfundonte leja, ai ka shfaqur simptoma të virusit.
Mësohet se ai ka pasur kontakte sepse ka takuar të afërm e miq që i kanë shkuar për vizitë me rastin e daljes për pak ditë nga burgu. Frika është se ai mund të ketë infektuar edhe të tjerë.
g.kosovari
