4 kompani kanë fituar deri tani statusin e Operatorit Ekonomik të Autorizuar ndërsa 10 kompani të tjera janë në proces.
Ministrja e Financave dhe Ekonomisë, Anila Denaj si dhe drejtori i përgjithshëm i Doganave, Genti Gazheli vizituan kompaninë “PSZ Albania GmbH”, që operon në fushën automotive dhe ka rreth 400 të punësuar.
Denaj tha se kompania ka aplikuar për marrjen e statusin e Operatorit Ekonomik të Autorizuar.
“Pamë nga afër edhe procesin e aplikimit online që kompania po përdor për t’u pajisur me një sërë autorizimesh, duke kursyer kohë dhe ulur kostot. Mbetemi të angazhuar të mbështesim bizneset dhe për shtimin e shërbimeve sipas praktikave më të mira ndërkombëtare. Statusin e kanë përfituar deri më sot 4 kompani dhe janë në proces shqyrtimi 10 aplikime”, u shpreh Denaj./atsh
/m.j
