Policia italiane shkatërroi një bandë hajdutësh shqiptarë, që dyshohet se për tre muaj kanë kryer 36 vjedhje. Bëhet fjalë për 5 shqiptarë. Sipas “Libero”-s, ata vepronin gjatë natës mes provincave: Asti, Cuneo dhe Torino, në kohën kur pronarët e vilave flinin. Dyshohet se ata vidhnin bizhuteritë me vlerë, por edhe makineta kafesh dhe makina të parkuara në garazh. Sendet e gjetura dhe sekuestruara nga policia, iu kthyen pronarëve.
Për të hyrë në banesa, hajdutët përdornin një teknike të veçantë, ku me anë të një teli, bënin një vrimë në dritare dhe më pas e hapnin. Mediat italiane raportojnë se në një rast banda e shqiptarëve kërcënoi vajzën e mitur të pronarëve të një vile që po vidhnin.“Kthehu në shtrat nëse nuk do që të ndodhë gjë”, mësohet t’i jenë shprehur hajdutët vajzës, e cila ishte zgjuar nga zhurma.
ma.me
