Një 30-vjeçar në Fier ka rënë në prangat e Policisë, pasi i ka vjedhur çantën me dhunë 40-vjeçari në rrugë.
Përmes një njoftimi, Policia bën të ditur se në cilësinë e provës materiale është sekuestruar çanta me para dhe sende të tjera personale.
Ngjarja raportohet të ketë ndodhur në fshatin Fermë Çlirim të Fierit, ndërkohë që materialet i kaluan Prokurorisë për veprime të mëtejshme.
Njoftimi i Policisë:
Fier-Vodhi me dhunë në rrugë, çantën e një 40-vjeçari, vihet në pranga autori.
Sekuestrohet çanta me para dhe me sende personale.
Menjëherë pas njoftimit se në lagjen “16 prilli”, ishte kryer një vjedhje me dhunë, shërbimet e Komisariatit të Policisë Fier organizuan punën për identifikimin dhe arrestimin e autorit të rastit.
Si rezultat i veprimeve profesionale dhe të shpejta policore, u identifikua dhe u vu në pranga, pak orë pas kryerjes së vjedhjes, shtetasi M. H., 30 vjeç, banues në fshatin Fermë Çlirim.
Materialet procedurale iu referuan Prokurorisë së Fierit, për veprime të mëtejshme, për veprën penale “Vjedhja me dhunë”.
