Brad Pitt është fotografuar ‘duke u puthur’ me modelen gjermane Nicole Poturalski në Paris.
Sipas “Mirror”, marrëdhënia e tij me modelen doli në shesh pas thashethemeve se ai po afrohej përsëri me ish-gruan, Jennifer Aniston pas 15 vitesh ndarje.
Mosha nuk është pengesë kur bëhet fjalë për Brad dhe Nicole, sepse aktori është gati 30 vite më i madh se 27-vjeçarja.
Ata hipën në një avion privat në Paris për t’u nisur drejt rezidencës së Brad në jug të Francës.
“Ai ishte në një vend gjysmë publik, por nuk dukej se i interesonte shumë që po e shihnin. Ajo është një bukuri e vërtetë dhe padyshim shumë më e re se ai!”- tha një burim.
Kanë kaluar katër vjet që kur martesa e Brad me Angelina Jolie mori fund dhe ka pasur disa spekulime për ndonjë romancë të re të aktorit, por tashmë çdo gjë është konkrete.
Nicole mund t’i vijë në ndihmë Brad për të rritur 6 fëmijët e tij, sepse ajo vetë është nënë e një djali të vogël.
Modelja duket se është shumë e mbyllur në lidhje me jetën e saj private dhe ka vetëm disa foto të djalit të saj në Instagram, të cilin e përdor vetëm për të publikuar fotot profesionale që bën si modele.
Ajo ka një emër ‘sekret’, Nico Mary, të cilin duket se e përdor për karrierën e saj në modelim.
Raportet sugjerojnë që Poturalski dhe Pitt po kalojnë kohën së bashku në shtëpinë e bukur të pushimeve të Pitt, Chateau Miraval, të cilën ai e bleu për 67 milionë dollar në vitin 2011 me Jolie.
g.kosovari
