Detaje të reja janë zbuluar lidhur me atentatin e ndodhur pasditen e sotme në qytetin e Vlorës. Sipas banorëve të zonës që ishin në atë moment në vendin e ngjarjes, por edhe dëshmisë së klientëve që ndodheshin në lokal, autori nga rruga kryesore ka hyrë 30 metra në rrugicën ku ndodhej lokali.
Shënjestra ishte monitoruar me kujdes dhe duke e ditur me siguri që ndodhej në lokal, autori ka ulur xhamin e makinës duke qëlluar me breshëri në drejtim të tavolinës ku ishte ulur 36-vjeçari Nikollaq Çepaj, 36 vjeç, bashkë me kunatin e tij Ronald Çepaj, 27 vjej, 27 vjeç.
Të dy kanë mbetur të plagosur nga atentati, ndërsa dyshohet se shënjestër ka qenë 36-vjeçari i tre ditë më parë kishte dalë nga burgu. E gjithë ngjarja sipas dëshmitarëve ka ndodhur në rreth 30 sekonda.
Sipas policisë, autorët dyshohet se mund të jenë larguar me një automjet ku në ndjekje të tyre janë vënë disa grupe. Njëkohësisht janë ngritur disa pika kontrolli në rrugët dalëse të qytetit dhe po kontrollohet e gjithë zona me qëllim kapjen dhe arrestimin e autorëve. /e.s/
