Përpos situatës në vend, Partia Socialiste vijon fushatën për zgjedhjet e 30 qershorit.
Ministrja e Drejtësisë, Etilda Gjonaj në një takim me banorët e njësisë 7, përsëriti edhe njëherë mesazhin se “një grup njerëzish nuk mund të marrin peng Shqipërinë përmes kërcënimeve dhe dhunës”.
Gjonaj diskutoi lidhur me zhvillimet dhe projektet që pritet të implementohen në zonë. Ajo siguroi se prespektiva e Shqipërisë është vota për Partinë Socialiste dhe kandidatin për Bashkinë Tiranë, Erion Veliaj.
Disa nga detajet e takimit ajo ka zgjedhur t’i ndajë edhe në rrjetin social Facebook:
“Me lejen e më të vegjëlve u mblodhëm pranë parkut të lojrave tek rruga “Vëllezërit Manastirliu, njësia 7 të ndërtuar nga Bashkia Tiranë posaçërisht për ta. Diskutuam sa shumë punë konkrete ka bërë Bashkia Tiranë dhe ndamë shqetësimet, të cilat janë prioritet për t’u zgjidhur në mandatin e ardhshëm. Pjesëmarrja në votim në datën 30 Qershor është një e drejtë, por edhe një përgjegjësi e qytetarëve. Edhe 4 ditë deri në 30 Qershor Partia Socialiste dhe Erion Veliaj.”/l.m
