Kryeministri Edi Rama tha sot se Kuvendi nuk tërhiqet nga seanca e 30 Korrikut ku priten edhe ndryshimet kushtetuese.
Duke iu drejtuar opozitës, Rama u shpreh se ’30 korriku është kry’!
Ai pati një mesazh edhe për presidentin Meta.
“Mos u lodhni kot ta kundërshtoni 30 korrikun. Se thotë Ilir Meta për Kuvendin, nuk janë 82 vota… Pse kur u votua 5 qershori Kuvendi na qenka legjitim dhe i paska 82, kurse për 30 korrikun nuk qenka legjitim? Përsëris apelin për PD-në që të mos lodhen duke kundërshtuar 30 korrikun, 30 korriku është kry është marrëveshje e nënshkruar, është e mbyllur. Për 30 korrikun, Presidenti nuk ka asnjë të drejtë për ndryshimet kushtetuese, as nuk i kërkohet që të ketë një opinion, thjeshtë duhet ta pranojë, sikur do ta pranojnë të gjithë. Do ta njohin dhe do i nënshtrohen ndryshimeve kushtetuese të 30 korrikut të gjithë. 30 korriku nuk lëviz”, u shpreh Edi Rama
/javanews/a.r
