Avokati i ish-kryebashkiakut të Lezhës, Fran Frrokaj, reagon pasi Prokuroria dha sot pretencën për 19 personat e vënë nën akuzë për tjetërsimin e pronave te Rana e Hedhun, në Shëngjin.
Avokati Adrian Leka, pas pretencës së Prokurorisë për Frrokaj ku kërkohej dënimi me 3 vite burg, thotë se sot u dha pretenca nga organi i akuzës i pa mbështetur në prova dhe ligj, pasi gjatë hetimit gjyqësor ka dalë se çdo pretendim i organit të akuzës është mbi dyshime dhe nuk vërtetohet në asnjë provë përgjegjësia penale e Fran Frrokaj.
“Në këto kushte ne do të kërkojmë deklarimin e pafajësisë, pasi nuk provohet se ka kryer veprën penale, për të cilën akuzohet”, ka deklaruar Leka.
Pokurori Erjon Shehaj kërkuar 43.6 vite burg në total për grupin e të pandehurve. Për ish-kryebashkiakun e Lezhës, Fran Frrokaj, u kërkua dënimi me 3 vite burg, ndërsa për ish-nënkryetarin Enver Hafizi, 2 vite burg.
Ndërkohë, për ish-kryetarin e Qarkut, Gjok Ndoka, Akuza ka kërkuar 4 vite burg. Gjithashtu, Prokuroria ka kërkuar të asgjësohen praktikat e regjistrimit të pasurisë, që është tjetërsuar.
g.kosovari
