Real Madrid-i buzëqesh në publik, por “dridhet” në shpirt. Edhe pse shorti e vë përballë të shumëkërkuarit Juventus, përsëri ekipi i Ancelotti-t e ndjek frikën pasi prej 28 vitesh spanjollët nuk arrijnë dot të kualifikohen kur kanë përballë një ekip italian. Kjo statistikë nuk ndodh vetëm kundër Juventus-it, por ka ndodhur kundër Milan-it, Roma-s dhe Torino-s.
“Merengues” janë ndeshur 2 herë me Milan-in, 3 herë me Juventus-in, 1 herë me Roma-n dhe 1 herë me Torino-n, duke dalë gjithnjë të eliminuar nga përballjet kundër italianeve. Kjo është një statistikë e cila duhet t’i japë forcë Juventus-it në ndeshjen “magjike” kundër Real Madrid-it. Bardhezinjtë duhet të zbresin në fushë me mendjen se kundërshtari i tyre nuk ngre kokë prej 28 vitesh kundër një ekipi italian, ndaj dhe nuk duhet të ndihen aspak inferiorë.
Redaksia Online
(Javanews.al)
