Dita e fundit për regjistrimin e listave të kandidatëve në KQZ, 28 apo 29 prilli, u rikthye sërish në qendër të debateve, këtë herë mes anëtarëve të institucionit zgjedhor.
“S’ja vlen të bëjmë debat për këtë. Është çështje formule. Matematika nuk është opinion. Ne kemi thënë jo më vonë se 50 ditë. Dita e 50 nga data 18 që nuk numërohet dhe kjo është e vjetër, dita e 50 është datë 29. Debate është a përfshihet dita e 50 apo jo. 28, 29 kur iku gjermani i fundit. Matematika nuk është opinion për fat të mirë. Pala e cënuar le ta çojë në gjykatë. Këtu s’ka vendimmarje për të marrë sepse e kemi vendosur që në dhjetor në planin e punës. Nuk është faji juaj që se doni 29”, deklaroi kreu i KQZ-së, Denar Biba.
“Ju e keni zëvëndësuar KQZ me deklaratat tuaja dhe jo me vendimmarje. Në zbatim të Kodit Zgjedhor, afati është 50 ditë. Se di si e keni bërë llogaritjen. Afati 50 ditor është ora 00.00 e datës 28. Në këto kushte, s’ka kuptim të diskutojmë për çështje të tjera ka shumicë apo pakicë. Në kushtet kur dokumentacioni nuk është paraqitur brenda afatit ligjor, çështja s’ka pse të diskutohet”, deklaroi anëtarja e KQZ-së, Vera Shtjefni.
Denar Biba: Kemi bërë ekzaktësisht siç keni bërë ju në 2009, 2011 dhe 2013.
Vera Shtjefni: Kalendarin e kam aty, e shohim kur i bie.
Denar Biba: 28 apo 29 s’ka asnjë lloj rëndësie.
Vera Shtjefni: Ka afat ligjor.
Denar Biba: Në dhjetor s’kishit ngritur asnjë çadër. Atëherë fiksuam këtë datë dhe e kemi përmendur 29 kushedi sesa herë.
Vera Shtjefni: Sa herë flisni ju, nuk është vendimmarje e KQZ. Si mund ta ndryshosh afatin?
Denar Biba: Më intreresojnë afatet ligjore dhe në këtë institucion janë shqyrtuar. Të ishte ndryshe, kur erdhi kërkesa nga PS dhe LSI e kishim shtyrë por se bëmë.
Bledar Skënderi: Ne 4 vetë themi 29, ju tre vetë thoni 28. Në 2009 ashtu keni vepruar. Ky debat ka 2000 vjet, e lagu, s’e lagu.
Opozita nuk mori pjesë në votimin për projektvendimet e rendit të ditës.
