Policia e Shkodër ka bërë të mundur sekuestrimin e 76 kg lënde narkotike e llojit kanabis sativa.
Nga shërbimet e Komisariatit të Policisë Malësi e Madhe mbi bazën e informacioneve të marra në rrugë operative është ngritur pikë kontrolli për të ndaluar automjetin tip Benz Mercedez ML, me targë AA476MJ i cili po lëvizte në aksin rrugor me drejtim nga fshati Brigjë për në Rapsh në afërsi të kufirit të gjelbër.
Drejtuesi i mjetit sapo ka parë punonjësit e policisë, ka ndaluar automjetin dhe është larguar me shpejtësi në shpatin e malit nëpër shkurre.
Gjatë kontrollit të automjetit në bagazhin e tij u gjenden:
7 thasë, ku brenda të cilave ishin 69 pako, dhe ku në total me një sasi prej 76.2 kg lëndë narkotike e dyshuar Mariuane.
Në këto kushte, policia ka bërë kontroll banesën e tij dhe gjatë kontrollit janë gjendur 130 fishekë kaliber 7.62 mm dhe dy krehër, të cilat janë sekuestruar në cilësinë e provës materiale.
Në përfundim të veprimeve të para hetimore, është bërë shpallja në kërkim e F. H 25 vjeç, banues në fshatin Selcë, Njësia Administrative Këlmend, Malësi e Madhe.
Materialet proceduriale i kaluan Prokurorisë pranë Gjykatës së Shkallës së Parë për Krimet e Rënda Tiranë, për veprën penale ”Trafikim të lëndëve narkotike”, “Mbajtje pa leje municionit luftarak”
