Gjykata e Lartë në Indi ka liruar nga burgu Nisar Ahmed Din i cili i ka kaluar 23 vjet në burg për shkak të një gabimi gjyqësor.
Nisar Ahmed Din dhe dy të akuzuar tjerë janë liruar pasi që gjykata gjeti se ata nuk ishin fajtorë për një vepër të terrorizmit, sulm në një tren në vitin 1993 ku u vranë dy udhëtarë, transmeton BBC.
Ahmed ishte 20-vjeçar kur është arrestuar por e kujton qartë 15 janarin e vitit 1994.
“Së pari më kanë mbajtur 43 ditë pa më dërguar para gjyqtarit, më kanë rrahur torturuar, më kanë mbajtur me kokë teposhtë. Kam ulëritur se nuk di asgjë dhe se nuk jam fajtor. Pastaj më kanë dhënë që të nënshkruar pranim të rremë”, i kujtohet Ahmed
Luftën për lirimin e tij e ka vazhduar i vëllai i cili po ashtu ishte arrestuar por që ishte liruar pasi ishte diagnostikuar me kancer në mushkëri.
20 vjeçari i dënuar tashmë 43-vjeçar është i lirë dhe thotë se është bërë i vetëdijshëm vetëm kur ka hyrë në shtëpi por krejt kishte ndryshuar.
“Nidhem si i huaj. Tek tash po I njoh nipat dhe mbesat. Nuk është e lehtë të fillon nga fillimi me 43 vjet”, ka thënë Ahmed./a.m.
