Policia ka parandaluar një krim të rëndë në familje, duke arrestuar një 69-vjeçar i cili ka dhunuar dhe më pas kërcënuar me armë bashkëshorten dhe familjarët.
Sipas policisë, është vënë në pranga shtetasi Xhevdet Peza banues në fshatin Shardusht, Njësia Administrative Lekaj.
69-vjeçari, pasi ka ushtruar dhunë fizike, ka kanosur në fillim me armë gjahu të cilën e kishte me leje bashkëshorten e tij, shtetasen K. Peza, 47 vjeçe. Më pas ka lënë armën e gjahut dhe ka kanosur me një armë pistoletë tip mini beret të cilën e mbante pa leje.
Forcat e policisë pas telefonatës së marrë, kanë shkuar menjëherë në vendngjarje dhe kanë bërë neutralizimin e autorit pak metra larg banesës pasi ka tentuar të largohej duke përfituar nga errësira.
Nga kontrolli i ushtruar në banesë ju gjet dhe sekuestrua në cilësinë e provës materiale:
një pistoletë tip mini beret me 5 fishek (pa leje)
një armë gjahu (çifte) me leje të organeve kompetente.
Materialet iu referuan Prokurorisë pranë Gjykatës Shkallës Parë Kavajë për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit”.
