21 vjeçarja e Fakuletit Ekonomik Desilvja Menaj u arrestua nga forcat e policisë pas vetëdorëzimit të tre ditëve më parë dhe u dënua me burgim nga Gjykata për “gjobëvënie” ndaj ish të dashurit të saj biznesmen. Por mesa duket e reja nuk do të qëndrojë edhe për shumë kohë në burg, kjo për shkak të amnistisë së fundvitit të shkuar, ku për çdo femër të dënuar amnistohet 1 vit e 6 muaj nga masa e dënimit për tu kryer.
Fati i 21 vjeçares është se në fakt, ajo është dënuar me gjykim të formës së prerë me 1 vit e 4 muaj burgim, çka bën që të përftojë nga amnistia dhe të dalë siç edhe ka hyrë në burg.
Vepra penale për të cilën është dënuar Menaj, ajo e “shtrëngimit me anë të kanosjes ose dhunës për dhënien e pasurisë” përfshihet te kriteret ndaluese të amnistisë.
Vendimi i fajësisë ndaj Menajt mori formë të prerë nga Gjykata e Apelit për Krimet e Rënda më 11 shtator të këtij viti. Ky vendim la të pandryshuar dënimin me 1 vit e 4 muaj burg të dhënë nga Shkalla e Parë.
Vendimi i Apelit është ekzekutuar tri ditë më parë, kur studentja është vetëdorëzuar në Komisariatin e Policisë nr.3 në Tiranë, e shoqëruar nga avokati i saj mbrojtës
