E reja Anxhela Noçka është diagnostikuar me një sëmundje të rrallë dhe familjarët e saj e kanë të pamundur të përballojnë shpenzimet e kurimit. Në rrjetet sociale ka nisur njç fushatë për t’i ardhur në ndihmë 21-vjeçares. Kësaj fushate i është përgjigjur edhe deputeti i LSI Flamur Çela i cili ka dhuruar një pjesë të pagës së tij.
“Ndihem fatlum që kam mundësi të jap një kontribut modest. Kam menduar që çdo herë që të marr pagën time 1/3 e pagës do ta lë për akte bamirësie. Të bësh akte humanitare është shembulli më i mirë që mund të japin deputetët dhe çdo zyrtar i lartë që paguhet nga taksa paguesit”, u shpreh Çelaj.
Ndërkohë babai i Anxhelës, Vladimir Noçka, vlerësoi kontributin që po jep mbarë shoqëria, duke thënë se nuk do të mundej kurrë të siguronte kapitalin e nevojshëm për kurim.
Nga ana tjetër, disa të rinj kanë nisur të mbledhin donacione për shoqen e tyre 21 vjeçare e cila është diagnostikuar me një sëmundje të rrallë (lymphomablastic lymphoma , non Hodgking )./a.m.
